ARRI ALEXA 35 part2

 قصة ALEXA35  واخواتها

"تطوير جهاز استشعار ليس بالأمر التافه، انها ليست لضعاف القلوب، انها سحر او شعوذة  "It's Voodoo

Marc Shipman-Mueller, Senior Product Manager

      في البداية مهم اننا نبقى فاهمين ان كاميرا ALEXA 35 مش تطوير لكاميرا ALEXA Mini LF  ومش نازلة كتطوير لها او تحديث لها اوعلشان اجمد منها ولا كل الكلام اللي جه على بالي وممكن يبقى جه كمان على بالكم بسبب انها احدث انتاج لكاميرات سينما رقمية من الشركة الأكثر موثوقية ARRI .

لكن الموضوع ببساطة "الامر كله متعلق بتوفير خيارات" "It’s all about offering choices"  زي ما قال Stephan Schenk (ARRI General Manager Global Sales & Solutions)

   "الامر كله متعلق بتوفير خيارات"  دي هي الجملة المفتاحية للكاميرا ALEXA 35 خط انتاج لكاميرا سينما رقمية Super35 native 4K Image Sensor وهي مشروع موازي لكاميرات ALEXA Mini LF  اللي تتصنف  (FF) Full Frame native 4.5K  

يعني لما تسمع السلوجان بتعاهم  Raising the bar "ويقصد رفع مستوى التصوير السينمائي الرقمي "في رايي وبعد اللي شرحناها في المقال السابق الجزء الأول هو بيتكلم عن خطوة لرفع مستوى الصورة عن   ALEXA Miniالكاميرا السابقة في نفس التصنيف Super35 وهي الكاميرا الأكثر نجاحا ومبيعا في كاميرات ALEXA " زي ما هما قالوا"  لكنها مش نازلة كتطوير او خطوة بعد كاميرات LF او LF Mini الحقيقة.

     مفيش ادنى شك ان دخول التصوير الرقمي في فورمات (FF) Full Frame دي خطوة فعلية في تطوير جودة الصورة ولا يمكن نتخيل ان ممكن يحصل رجوع عنها يعني عندك شركات كتير دخلت المنطقة دي وبكاميرات مهمة على سبيل المثال  RED دخلت بكاميراتها MONSTRO 8K  V-RAPTOR 8K و  وشركة SONY بكاميرات كتير زي SONY VINECE 1& VINECE 2 وزي FX9& FX 6

(لاحظ مثلا ان SONY VINECE2 بتشتغل FF و كمان S35 حسب ال Sensor Mode وفي حالة ال S35 تقدر تحصل على صورة Native 4K وفي وضع FF تحصل على صورة 6K) ،حتى كانون  Canon اشهر مصنع كاميرات DSLR دخلت لعالم السينما الرقمية FF بكاميرات CANON C700 و CANON C500 II ودي كاميرات كلها بتعتمد على مساحة اكبر للسينسور في رينج D:43mm او اكبر.

نرجع للعروسة الجديدة ALEXA35 حرفيا الكاميرا نازلة بمنطق رجوع ARRI لسوق Super35 بكاميرا Native 4K لان كل الشركات اللي سبق ذكرها عندها برضه كاميرات في فورمات S35 و Native 4K  

لكن الكاميرا فيها تكنولوجيا جديدة، وفي الحقيقة هي جديدة بس على ARRI لان أفكار كتير منها (معظمها) مطبقة من سنين في كاميرات شركات تانية زي SONY و RED ..الخ،  

احد مديرى الشركة قالها بشكل واضح " ALEXA 35 هي خليفة حقيقي ومدهش لـ ALEXA Mini" نقطة ومن اول السطر.

ايه بقه قصة الرجوع؟  وايه قصة ALEXA   من البداية؟

ALEXA كاميرا السينما الرقمية القريبة من قلبي والمفضلة عند كتير من مديري التصوير حول العالم بدأت من

(الجيل الأول)

- ابريل 2010  ALEXA Classic 

بسينسور S35 ALEV III – صورة بدقة تفاصيل 2.8K

- ابريل 2011 ALEXA Studio 

بسينسور S35 ALEV III - صورة بدقة تفاصيل 2.8K

- مارس 2012 ALEXA Plus

بسينسور S35 ALEV III - صورة بدقة تفاصيل 2.8K

- 2012  ALEXA M

اول كاميرا صغيرة الحجم بسينسور S35 ALEV III – بدقة تفاصيل 2.8K

(الجيل الثاني)

- ابريل 2013 ALEXA XT 

(Extended Technology)  S35 ALEV III – صورة بدقة تفاصيل 2.8K و في الجيل ده  ابتدا استخدام الشريحة الحساسة كلها بنظام Open Gate ابتدا استخدام XR Module  بدل اتبدل SxS علشان نقدر نسجل ARRI RAWعلى الكاميرا مش محتاجين مسجل خارجي ووفرت Mode4:3

- سبتمبر  2014  ALEXA 65     

بسينسور 65mm 3X ALEV III - الصورة منها بدقة تفاصيل 6K

هنا نلاقي ان السينسور نفسه ALEV3 لكن حجمه وكانه تلاته من S35. وطبعا اكبر تحدي كان للكاميرا دي كان توافر العدسات اللي بتدعم الحجم الضخم ده من السسينسور  بابعاد 54.12mm x 25.58mm  بقطر D: 59.87mm    طبعا انتجت باعداد محدودة وطرحت للايجار فقط وعملوا مع IMAX شراكة لاستخدامها.

- ابريل 2015   ALEXA Mini 

بسينسور S35 ALEV III - الصورة منها بدقة تفاصيل 3.4Kوتعتبر انجح كاميرات المجموعة وبتقول عنها الشركة واحنا في 2022  "لا تزال Mini واحدة من أكثر الكاميرات استخدامًا في قطاع السوق لدينا ، إن لم تكن أكثرها استخدامًا"

(الجيل الثالث)

-  2016    ALEXA SXT 

بسينسور S35 ALEV III - الصورة منها بدقة تفاصيل 3.4K في وضعية Open Gate  "وبصراحة مش عارف ليه اعتبروها جيل لوحدها Super Extended Technology"" 

(الجيل الرابع)

-  2018    ALEXA  LF 

بسينسور 2X ALEV III -  هنا نلاقي ان السينسور نفسه لكن وكانه اتنين من S35 بابعاد 36.7mm x 25.54mm  بقطر D: 44.71mm والصورة بدقة تفاصيل Native 4.5K

- 2019 ALEXA Mini LF 

في نظري دي من اهم الكاميرات اللي عملتها ARRI  كاميرا ALEXA Mini LF الكاميرا دي بسبب صغر حجمها ومتطلبات خفة وزنها و معدل العمليات الضخمة جواها كان المهندسين بيعتبروها مش ممكن تحقيقها أصلا ، وهي برضه بنفس السينسور 2X ALEV III -  بابعاد 36.7mm x 25.54mm  بقطر D: 44.71mm والصورة بدقة تفاصيل 4.5K  

(الجيل الخامس)

- مايو 2022  كاميرا ALEXA 35 

بسينسور جديد كليا لأول مرة بعد 12 سنة من اطلاق ALEXA اطلاق سينسور ALEV 4 بعلوم جديدة على ARRI وبفورمات S35 بأبعاد 27.99mmx19.22mmبقطر D: 33.96 mm 

4K – Native 4K - Netflix

موضوع دقة تفاصيل الصورة Resolution

باختصار: Resolution مصطلح بيعبر عن عدد الجزيئات Pixels اللي بتتكون منها الصورة النهائية Final Image، حديثا ابتدا الإشارة للدقة بعدد الجزيئات Pixels الموجودة في الصف العرضي فقط  للصورة والاشارة لها بالحرف(K)  واللي بيساوي (1024 Pixel) 2K- 4K – 6K – 8K- 12K..etc

  لكن كل المصنعين فاهمين وعارفين ان Resolution الصورة النهائية مبني على  حاجتين :-

عدد الفوتوسايت Photosites (الأجزاء الحساسة على (Image Sensor + عمليات الاستكمال واستنباط معلومات Interpolation من خلال ال De-Mosaic Algorithms (فكرة عمل  De Bayer  Algorithm زي اللي شرحناه المقال السابق ADA7  Algorithm 7 ARRI De-Bayer).

علشان كده ظهر مصطلح Native Resolution ده اللي مرتبط بعدد الفوتوسايت الفعلية على الشريحة الحساسة .. مثلا: موبايلك ممكن يديك صورة 8k ويبقى السينسور بتاع الكاميرا فيه اقل حتى من 800 photosites

وبقى الكلام عن شريحة حساسة بدقة تفاصيل Image sensor with Native 4K يعني الشريحة ها تعتمد في عملية  De-Bayer على عدد فوتوسايت فعلية على الشريحة الحساسة بعدد 4096 Photosites

ملحوظة : "كلام كتير ان  انتاج الصورة بطريقة De mosaic  بتكون النتيجة النهائية لل Resolution حوالي من 70% الى 80% فقط من عدد الفوتوسايت الفعلية على السينسور" مثال: يعني لو عندك سينسور عليه 6k فوتوسايت  هاتاخد صورة بدون استنباط خوارزمي Resolution  4K to 4.5Kلكن لان الموضوع مشتعل بين التجارة والصناعة وفي الاخر الفن فالنتيجة بتبقى أهم من النظرية دايما والأمور متداخلة.

نرجع تاني للتاريخ اللي بيعتبر جزء من الحكاية، ولما علي نجم Netflix وبقى الانتاج الاصلي للمنصة هدف للكثيرين في هوليود وخارجها 

Netflix Vs ARRI

حوار تخيلي بين الاثنين

+ صباح الخير...شركة Netflix قررت ان اعمالها الاصلية لازم تبقى متصورة Resolution مش اقل من 4K

-  تمام حضرتك نعمل شوية Over Sampling وشوية خوارزميات و نديكوا صورة 4K

+ لا والله مش هاينفع احنا عايزين السينسور Native Resolution 4K عليه فوتوسايت مش اقل من 3.8K

- يا جماعة  زيادة عدد الفوتوسايت على الشريحة  ممكن يعمل مشاكل  لأننا هانصغر حجم الفوتوسايت علشان نزود العدد في نفس مساحة الشريحة S35 وبالتالي هايقل ال Dynamic Range وتزيد الشوشرة Noise وتزيد حدة الصورة وممكن يحصل Aliasing Artifacts عيوب بتحصل مع زيادة الحدة.

- او حتى الحل التاني هانكبر حجم السينسور علشان يفضل حجم الفوتوسايت كبير ونزود عدده في مساحة الشريحة اللي هاتزيد وكده هندخل على تنسيق جديد زي 65mm مثلا  و العدسات اللي دايرة الصورة Image Circle منها بتغطي السينسور S35 هاتطلع من اللعبة او هاندوخ بقه على عدسات جديدة بدايرة صورة كبيرة. 

+ لا والله مش هانعتمد ALEXA Mini  ولا حتى ALEXA XT ولا ALEXA SXT

- ايه ALEXA Mini ؟ ده مديري التصوير والمخرجين والاستديوهات واقعين في غرامها دي الأفلام الفايزة في اوسكار وكان وفينيسيا في منها متصور بيها

+ ردت Netflix: "ان كاميرات ALEXA حقا كاميرات رائعة واتعمل بيها اعمال عظيمة اتوقعت بأسماء فنانين كبار لكننا التزمنا مع عملائنا بإنتاج محتوى اصلي بجودة 4K " وطبعا احنا جامدين وفاهمين فعلشان نحددها اكتر "الكاميرا تحتوي على سينسور Native 4K " والكاميرا A اللي بالمواصفات دي يتصور بيها 90%  من العمل . 

واعتمدت Netflix كاميرا ALEXA 65 فقط لشركة ARRI حتى انتاج ALEXA LF.

ملحوظة : واحنا بنحكي قصة ARRI و Netflix حاليا Netflix  اعتمدت في شهر ابريل كاميرا شركة  RED الجديدة The Raptor 8K VV ودي الكاميرا المعتمدة رقم 16 من RED واعتمدت في شهر مارس كاميرا  SONY VENICE2  8K ودي الكاميرا المعتمدة رقم 10 من SONY.

ALEXA LF – ALEXA Mini LF

من اظرف الحجات اللي قريتها ان في هوليود كانوا مسميين ALEXA LF كاميرا نتفلكس .. وكانوا بيلمحوا انها كاميرا اتنفذت تحت ضغط المنصة اللي فرضت على السوق كلمتها

طيب ما كان ممكن يطلعوا ب ALEXA 35 هاتحقق المطلوب Native 4K Image Sensor ؟؟؟؟

ARRI   في ظني الوقت ده كانت بين نارين الأول هي لازم تطلع كاميرا حسب متطلبات السوق بسينسور Native 4K  وبيقول المدير التنفيذي "كنا نتألم عندما لم  نلبي مطالب عملائنا بكاميرا Native 4K لكن لم نكن لنفرط في جودة ومظهر الصورة من اجل الوصول الى ارقام Resolution المطلوبة"، و شكلها مكانتش مقتنعة وقتها بموضوع تصغير حجم الفوتوسايت (Photosite Pitch)  لزيادة اعداده (وعلى فكرة ده اللي حصل فعلا بعد كده في سينسور ALEV4 صغروا Photosite Pitch من 8.25 μm بقت 6.075 μm وزودوا عددها 

غالبا ARRI شافته مطبق في كاميرات ناجحة جدا زي SONY VINECE و RED MONSTERO.

العدسات Lenses  

   خرجت ALEXA LF في 2018 وبعدها ALEXA Mini LF في 2019  وحققوا ل   ARRI اعظم انتصارتها 😊 "ال Resolution المطلوب" من سينسور Native 4.5K  وبنفس حجم Photosite Pitch الكبير 8.25 μm  لكن الحلو ما يكملش لما مكاتب ايجار المعدات Rental Houses بقت تصوت من محدودية العدسات اللي هاتدعم LF وازاي كانوا بيجروا ويدوخوا في توفيرها.

ده غير دعوات الفوكس بوللر من مصر 😊 على شركة ARRI بسبب عمق المجال القليل للغاية Shallow Depth of Field الناتج عن حجم السينسور الكبير "بالإضافة للفتحات الواسعة اوفر لبعض الأصدقاء مديرو التصوير"، سيبونا من موضوع الفوكس بوللر 😊 الأهم دلوقتي العدسات 

بيقول احد مديري شركة ARRI "هناك مخزون كبير من عدسات Super35 في أساطيل Rental Houses حول العالم الكاميرا الجديدة ALEXA 35 تساعد حقًا مخزونهم من عدسات S35 على البقاء على صلة بأحدث تقنيات التصوير السينمائي "

ملحوظة مهمة في علاقة الكاميرا الجديدة بالعدسات

-   خلي بالك مش كل العدسات هاتقدر تصور معاها 4.6K

لان معظم عدسات S35 دايرة الصورة Image Circle منها Diagonal 27.5mm وبالتالي هاتدعم جزء من السينسور  Sensor mode 4k  

لو عاوز تسجل 4.6K لازم تتأكد ان العدسات minimum D:33.96 mm diagonal

مثال : كده طقم عدسات الماستر برايم لو هاتستخدمه هاتشتغل على Sensor Mode 4K

ولو هاتستخدم عدسات انامرفيك 2X يبقى انت هاتحصل على اقصى دقة تفاصيل 3.8K

-   مع  عدسات تدعم مساحة Open Gate  صورة بدقة تفاصيل Native 4.5K

- مع عدسات تدعم S35  صورة بدقة تفاصيل من مساحة سينسور Native 4K  

- ومع العدسات الانامروفيك صورة 3.3K  مع نظام تشغيل Sensor Mode 6:5

ALEV4

      "تطوير Image Sensor ليس بالأمر التافه، انها  ليست لضعاف القلوب، انها سحر او شعوذة  It's Voodoo

Marc Shipman-Mueller, Senior Product Manager

لما تقرا عن مراحل انتاج الكاميرا دي تحس فعلا مدى المعاناة والمجهود المبذول فيها وانهم خدوا وقت  من (2022-2018) علشان يطلعوا كاميرا تحقق طموحات الجميع  وخصوصا في موضوع بنا شريحة حساسة جديدة ALEV4 بطريقة مختلفة  شوية عن السابق ومختلفة عن رأيهم المعلن في موضوع علاقة حجم الشريحة Sensor Size بحجم Photosite وتأثير كل ده على مظهر الصورة وتحديدا المدى الديناميكي DR والحساسية Sensitivity والشوشرة .Noise

لكن ما يجعلني في حيرة حاليا هو ان كل ما تم الإعلان عنه من تطوير بمعنى خطوة اكثرا تطورا  كان من نصيب عمليات المعالجات Image Processing اللي بتم على الشحنات الكهربية ومكانش تطوير في الشريحة نفسها من حيث الحجم او البنا باستثناء تحويلها رقميا ودي جزء منها معالجات وجزء منها محولات دقيقة Micro ADC  

تلك المعالجات التي تختص الإشارات الكهربية بعيدا عن الأصل المادي للسينسور تُدخل ARRI الى عالم كاميرات الفيديو وهنا للأسف يرتبط في ذهني مصطلح فيديو Video بتلك المعالجات التي كانت تفقد الصورة في البدايات جمالياتها وتجعلها حبيسة مصطلح Video Look

حتى Color Science الجديد "Reveal" اللي بيحقق Wide Color Gamut  و High Dynamic Range يمكن استخدامه مع ARRI RAW  من كاميرات ALEXA LF – Mini LF أي يمكنك ان تكسب مميزات reveal مع سينسور ALLIVE III

لكن لموضوعية العرض مؤخرا شركة SONY وغيرها من شركات تصنيع الكاميرات الرقمية حققت من تلك المعالجات Image Processing نتائج اكثر من رائعة في مظهر الصورة النهائية لكن كان سينسور ALEV3 هو الفارق في مظهر الصورة هنا ولعل شركة ARRI قد انتبهت لهذه الطريقة في اللعب وها هي تدخل الى عالم المعالجات Image Processing  وبكل تأكيد نفقد هنا مدرسة "الوسيط الحساس" من أهمية الفيلم الى أهمية الشريحة الحساسة Image Sensor ونتجه  حاليا الى عالم المحسنات الكهربية على الإشارة، فهل تفقد الصورة مذاقها الذي اعتدناه مع ARRI ام ان ما يحدث من تسارع في إيقاع العالم كله يستوعب هذا التغيير كما استوعب من سابق التغيير من الفيلم الى الشرائح الحساسة ؟

اكتر حاجة استغربتها ان بعد كل الاسهاب في مميزات التكنولوجيا الجديدة والزيادة في المدى الديناميكي الى 17 Stop انه غالبا ال 2stops دول مش هاتحس بيهم في الشاشات  SDR هاتحس بتأثيرهم وفرقهم عن الكاميرات التانية مع انظمة العرض HDR، طبعا اتمنى ابقى فهمت غلط  :)